Album on LIBERATO III
Track 9 on LIBERATO III
’O DIARIO Lyrics
[Testo di “‘O DIARIO”]
Comme ogne tanto succede quanno ‘e fa coccoso ‘e importante
I’ nun sapevo comme ev”a accumincià ‘stu terzo album
Me so’ truvato nu poco bloccato, aggi”a dicere ‘a verità
Pecché m’ero miso ‘ncapa ‘e fà Lana Del Rey, hê caí?
Ev”a fà la vita vissuta, e addò accumminciavo?
Allora aggio fatto nu riassunto ‘e ll’urdeme ddoje anne d”a vita mia
M’aggio appriparato nu bellu spliff
Me so’ miso annanze ”e foto d”o telefono
E aggio accumminciato a scrivere
Novembre 2022
Hê voglia a cantà ‘e canzone pe fà chiagnere ‘a gentе
Quanno te succede a tе, n’ata vota, te siente popo ‘o cazzo
I’ me so’ arritruvato, guagliù, ‘e na manera, mamma mà
Nun me l’aspettavo proprio, nun capevo cchiù niente
Stevo ‘nterra, i’
‘A vedevo ‘ncopp’ê storie, ch”e capille nuove, è chiaro
E nun capevo niente
Eva voglia a fummà, e fà ‘e festine, e í ô Basic, e cercà ‘e nun ce penzà
E ascí cu chesta, e ascí cu chella
E te fà ‘e viagge ô Messico, in Argentina, ch”e frate tuoje
Cu l’evera che sta fernenno quanno staje jenno verso sud
E menumale ca incuntrajemo a Natalia ca teneva coccosa ‘a fumà
Sinnò comme facivo [?], t”o ggiuro, appicciavo tutte cose
E quindi, guagliù, oramaje era 2023
Nun m’aizavo ‘a terra
Stevo popo tutto strunzo, stevo tutto depresso
E rispunnevo pure male
E quindi Cino e ‘a meglia cumpagna mia
Adoppo na sfuriata d”o cazzo d”a mia
Me dicettero
“Guagliò, tu staje a piezze, ma popo malamiente a piezze
E staje fumanno troppo assaje
Hê vedé a coccheduno”
E, guagliù, c’aggio penzato
Aggio visto a coccheduno
E a poco a poco
‘E male penziere se ne steveno jenno
Quatto maggio 2023
‘O Napule ha vinciuto ‘o scudetto
Na botta ‘e serotonina ca l’ha sentuta pure ‘o nonno mio
Ca ‘a tengo ancora
Aggio passato nu poco ‘e tiempo ch”e cumpagne mieje
C”a famiglia mia, cu fratemo, c”a genta ca me vò bbene
E po so’ juto in tour e aggio pariato comme nu cesso cu vuje
Aggio fatto piazza del Plebiscito
So’ turnato a faticà ‘ncopp’ô film e pure aggio pariato a cesso
E, guagliù, a poco a poco, chella cosa ‘a dinto
Chillu vuoto, chella muntagna ‘e dulore
Nun ce penzavo manco cchiù
Nun ce penzavo manco cchiù, però
‘Stu fatto ‘e ll’evera nun ‘o cuntrollavo cchiù
Nun è ca primma ‘o cuntrollavo
E non è ch”o cuntrollo popo bbuono mo
Però mo ce provo
Ogne tanto me ne vaco a na parte a penzà nu poco
Ess”a fà na pausa
Però, guagliù, mo so’ turnato
Aggio accuminciato a scrivere n’ata vota
Sto cu coccheduna, stongo annammurato
Sperammo ch’è tutt’a pposto
E forse chello ca ve voglio dicere
È che qualunque cosa succede
Mo a me è nu fatto ‘e corazon
Pe’tté pò essere ‘o masto â fatica ch’è strunzo
Pe’tté pò essere ‘o pesone ‘e casa
Pe’tté pò essere ‘a famiglia
Pe’tté pò essere ‘a capa
Arricuordete sulo ‘e na cosa
Ca nun staje maje sulo tu
Ca nun staje maje sulo tu
Ca nun staje maje sulo tu
Ca nun staje mai sulo, ca nun staje mai sulo
Ca nun staje mai sulo, ca nun staje mai sulo
Ca nun staje mai sulo, ca nun staje mai sulo
Ca nun staje mai sulo, ca nun staje mai sulo
Ca nun staje mai sulo, ca nun staje mai sulo
Ca nun staje mai sulo, ca nun staje mai sulo
Ca nun staje mai sulo, ca nun staje mai sulo
Ca nun staje mai sulo, ca nun staje mai sulo
Ca nun staje –